Plantun de Prouvènço

Pèr coumpara dos planto d'encò nostre

Carex nigra & Thymus odoratissimus

Queirello(-negro)

Carex nigra

Cyperaceae

Àutri noum : Moutouso, Sagneto.

Noms en français : Laîche noire, Laîche brune.

Descripcioun :
Queirello coumuno subretout en mountagno dins li relarg umide e bagna. Fai de fiéu (estouloun) dins la terro. A, en generau, un espiguet mascle en aut de l'enflourejado, e de dous à quatre espiguet femelo en dessouto. Aquéli porton de flour emé dous estigmate e d'escaumo bèn nego d'ounte ressort uno grosso costo verdo. Coumpara emé la queirello-auto que ié sèmblo proun, mai rèsto pulèu en basso Prouvènço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 60 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Negro
Petalo : ges
Ø (o loungour) enflourejado : 5 à 8 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Palun tourbous - Mueio - Prado umido - Bas-palun
Estànci : Subremediterran à Aupen
Couroulougi : Subrecousmoupoulito
Ref. sc. : Carex nigra (L.) Reichard, 1778

Ferigouleto(-óudouranto)

Thymus odoratissimus

Lamiaceae Labiaceae

Àutri noum : Farigouleto, Serpoulet, Badassoun, Menudet.

Nom en français : Serpolet très odorant.

Descripcioun :
Aquesto ferigouleto trachis is adré de basso mountagno dins li tepiero seco. Coume tóuti li serpoulet èi pas di mai eisado de destria. Fai partido dóu group di fueio ciliado emé de ramo lateralo que crèisson dins l'an d'un biais iregulié e flourisson (planto simpoudico). Aquésti ramo de flour an pas li fueio de la baso en fausso-rouseto. Li cambo redouno porton de péu pulèu long e dre.

Usanço :
La ferigouleto(-óudouranto) a à pau près li mémi prouprieta qu'aquéli de la ferigoulo estènt quand meme mens forto.

Port : Erbo
Taio : 5 à 20 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Thymus
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à avoust

Liò : Tepiero seco - Bos clar
Estànci : Subremediterran à Mountagnard
Couroulougi : Ouroufito-Aupènco-Sud-Ouèst
Ref. sc. : Thymus odoratissimus Mill., 1768 (= Thymus glabrescens Willd., 1811 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

Carex nigra & Thymus odoratissimus

ges

RRR

ges

Coumpara Queirello(-negro) emé uno autro planto

Coumpara Ferigouleto(-óudouranto) emé uno autro planto